വിജയ് ദേവരകൊണ്ടയുടെയും രശ്മിക മന്ദാനയുടെയും വിവാഹം വെറുമൊരു ആഘോഷമായിരുന്നില്ല; അതൊരു വമ്പൻ തരംഗമായിരുന്നു. ഇൻസ്റ്റാഗ്രാമിൽ പോസ്റ്റ് ചെയ്ത് മണിക്കൂറുകൾക്കുള്ളിൽ 20 ദശലക്ഷത്തിലധികം ലൈക്കുകൾ വാരിക്കൂട്ടി റെക്കോർഡിട്ട 'വിറോഷ്' (Virosh) താരവിവാഹം, വിവാഹ ഫാഷൻ രംഗത്തെ പുതുയുഗ പിറവിയുടെ പ്രഖ്യാപനം കൂടിയാണ്.

വിജയ് ദേവരകൊണ്ട തന്റെ വിവാഹ വേഷത്തിലൂടെ ഇന്ത്യൻ പുരുഷ ഫാഷനെ അടിമുടി മാറ്റിമറിച്ചിരിക്കുകയാണ്. 'മിനിമലിസ്റ്റ് ഗ്രൂം' എന്ന പതിവ് രീതികൾക്ക് വിട നൽകി, ആധുനിക രാജകീയ ലുക്കാണ് 2026-ലെ വരനു വേണ്ടി വിജയ് പരിചയപ്പെടുത്തുന്നത്.

'2026-ലെ വരന് പുതിയ മൂഡ് ബോർഡ്

വിവാഹത്തിനും അനുബന്ധ ചടങ്ങുകൾക്കും "വിറോഷ്' ' ഇഫക്റ്റ് വ്യത്യസ്തവും പുതുമയും കൊണ്ടു വന്നു. സാധാരണ കാണുന്ന ഷെർവാണി-ചുരിദാർ കോമ്പോ ഉപേക്ഷിച്ച്, 'സ്ട്രക്ചറൽ ട്രഡീഷണലിസം' എന്ന ശൈലിയാണ് വിജയ് തിരഞ്ഞെടുത്തത്. വിശാലമായ തോളുകളും ഇടുങ്ങിയ അരക്കെട്ടും പ്രകടമാക്കുന്ന ഈ വസ്ത്രധാരണം. ഒരു കോർപ്പറേറ്റ് എക്സിക്യൂട്ടീവിനെയല്ല, മറിച്ച് ഒരു പോരാളിയായ രാജകുമാരനെയാണ് വരൻ ഓർമ്മിപ്പിക്കുന്നത്.

പേസ്റ്റൽ നിറങ്ങളുടെ കാലം കഴിഞ്ഞു. ബസാൾട്ട് ബ്ലാക്ക്, ആന്റിക് ഗോൾഡ്, റോ ഐവറി തുടങ്ങിയ കടും നിറങ്ങളാണ് ഇനി താരം. ഇത് സോഷ്യൽ മീഡിയ ഫിൽട്ടറുകൾക്കും ഫോട്ടോഗ്രഫിക്കും ഒരു സിനിമാറ്റിക് ഭംഗി നൽകുന്നു.  തന്റെ തെലുങ്ക് വേരുകളെ ആധുനിക രീതിയിൽ അവതരിപ്പിച്ചതിലൂടെ, പൈതൃകം തന്നെയാണ് ഏറ്റവും വലിയ ഫാഷൻ എന്ന് വിജയ് തെളിയിച്ചു.

പുരുഷാഭരണങ്ങളിലെ പുത്തൻ നിയമങ്ങൾ

ആഭരണങ്ങൾ സ്ത്രീകൾക്ക് മാത്രമുള്ളതല്ലെന്ന് വിജയ് അടിവരയിട്ടു പറയുന്നു. 2026-ൽ ഒരു വരൻ ശ്രദ്ധിക്കേണ്ട പ്രധാന കാര്യങ്ങൾ ഇവയാണ്:

1. ഒഡ്യാണം (അരപ്പട്ട/Waist Belt)

വെളുത്ത സിൽക്ക് വസ്ത്രത്തിന് മുകളിൽ വിജയ് ധരിച്ച സ്വർണ്ണ ഒഡ്യാണം ശ്രദ്ധേയമായിരുന്നു. മാറ്റ് ഫിനിഷുള്ള, കൊത്തുപണികളോടു കൂടിയ അരപ്പട്ടകൾ ധരിക്കുന്നത് വസ്ത്രത്തിന് ഒരു പൂർണ്ണത നൽകുകയും വ്യക്തിത്വത്തിന് പ്രൗഢി കൂട്ടുകയും ചെയ്യുന്നു.

2. മൾട്ടി-ലെയേർഡ് നെക്ക്‌ലൈൻ

ഒറ്റ മാലയ്ക്ക് പകരം പല തട്ടുകളായുള്ള ആഭരണങ്ങളാണ് പുതിയ ട്രെൻഡ്. കഴുത്തിനോട് ചേർന്നുനിൽക്കുന്ന 'ഗുട്ടപുസലു' (മുത്തുമാല) ഉം അതിനോടൊപ്പം വലിയ മരതകമോ മാണിക്യമോ പതിച്ച നീളമുള്ള 'ഹാരവും' ധരിക്കുന്നത് ഉയരവും രാജകീയ ഭാവവും നൽകും.

3. വാങ്കി (അറംലെറ്റ്/Armlet)

മുഴുനീള സിൽക്ക് കുർത്തയ്ക്ക് മുകളിൽ ബൈസെപ്സിൽ ധരിക്കുന്ന വാങ്കി, ഒരു പഴയകാല രാജാവിന്റെ കവചം പോലെ പൗരുഷം നിറഞ്ഞ ലുക്ക് നൽകുന്നു. 'വിറോഷ്' വിവാഹത്തിലെ ഏറ്റവും ചർച്ച ചെയ്യപ്പെട്ട ഫാഷൻ എലമെന്റും ഇതായിരുന്നു.

4. കടുക്കൻ (Earrings)

വിജയിന്റെ സിഗ്നേച്ചർ ലുക്കായ സ്വർണ്ണ കടുക്കനുകൾ ഇനി ഓരോ പുരുഷനും നിർബന്ധമാണ്. ഒന്നിലധികം പിയർസിംഗുകൾ ഉള്ളവർക്ക് പരമ്പരാഗതമായ കടുക്കനൊപ്പം ചെറിയ ഡയമണ്ട് ഡ്രോപ്പുകൾ കൂടി ചേർത്ത് പരീക്ഷിക്കാം.

നിഴലിൽ നിന്നു മാറി മുന്നിലേക്ക് വരൻ

വിജയ് ദേവരകൊണ്ടയുടെ ഈ സ്റ്റൈൽ പുരുഷന്മാരെ ഫാഷന്റെ നിഴലുകളിൽ നിന്ന് മുൻനിരയിലേക്ക് എത്തിച്ചിരിക്കുകയാണ്. റിസപ്ഷനുകളിൽ പോലും സാധാരണ വെസ്റ്റേൺ സ്യൂട്ടുകൾക്ക് പകരം വെൽവെറ്റ് കേപ്പുകളും, എംബ്രോയ്ഡറി ചെയ്ത അംഗർഖകളും (Angarakhas), ഘനമേറിയ ആഭരണങ്ങളും തിരഞ്ഞെടുക്കാനാണ് ഇപ്പോൾ പുരുഷന്മാർ താൽപ്പര്യപ്പെടുന്നത്.

"സമ്പന്നമായി തോന്നിക്കുന്നതിനേക്കാൾ രാജകീയമായി തോന്നിക്കുക എന്നതിലാണ് ഇനി കാര്യം. ഇന്ത്യൻ പുരുഷന്മാർക്ക് ആഭരണങ്ങൾ അണിയാനും അണിഞ്ഞൊരുങ്ങാനും ലഭിച്ച ഔദ്യോഗികമായ അനുമതി കൂടിയാണ് ഈ വിവാഹം!